قصتنا: ليه تشتري من سنترو؟ (رسالة من المؤسس)
قصة سنترو - Scentro Story
رحلة سنترو من شغف الطفولة.. لأكبر حلم في الشرق الأوسط
أهلاً بيك في عالم سنترو..
أنا محمد، مؤسس "سنترو".
علاقتي بالعطور مابدأتش إمبارح، دي قصة شغف من وأنا صغير. كنت دايماً بحب أتعطر، ولما كنت أمشي في أي مكان كان دايماً في حد يوقفني يسألني: "إيه ريحة البرفان اللي إنت حاطه ده؟". في البداية كنت بشتري برفانات "تركيب"، وكانت مقضية الغرض وقتها.
لحد ما اشتغلت وقبضت أول مرتب. وقتها قررت أحوش عشان أجيب عطر "نيش" عالمي، ووقع اختياري على "كريد أفينتوس". أول مرة رشيته، حسيت بفرق مهول! الإحساس كان بالظبط كأني مدير شركة، واقف بكامل ثقتي بشرح للموظفين خطة التوسع، والكل مبهور بيا. العطر إداني ثقة وحضور ميتوصفوش.
من اللحظة دي، قررت إن كل برفاناتي هتكون "أوريجينال" وبس. واجهتني مشاكل كتير مع عطور التقليد والأسعار الفلكية في مصر. ومن قلب المعاناة دي.. اتولدت فكرة "سنترو".
قررت أستورد البرفانات بنفسي من السعودية والإمارات وأجيب أفضل العروض (بفواتير إثبات الشراء ).
ورغم مصاريف الشحن والجمارك، قدرت أوفر لك العطور الأوريجينال ١٠٠٪ بسعر عادل وأرخص من أي ستور أو محل في مصر.
عملت كل ده عشان أخليك تعيش نفس "التجربة" وتلفت الانتباه من غير ما تدفع أرقام خيالية. حلمي لسه بيبدأ.. وبطمح إن "سنترو" يكبر بيكم، لحد ما أعمل أكبر براند عطور مصري في الشرق الأوسط كله.